طرطشات موجة حلم

القصيدة الرابعة
سيبنى عايم بين !يديك
سيبنى سابح ف المواجهه ..
أبتلى ف النور .. بضعفى ..
عن ملاقاة الشبك
قلت لك :
خان اللى شافك خلف نفسى
والمسافات اشتهتنى /
كسر طافى ,
نجم خافى ,
ممتلى بالقرب ,رغبه فى الظهور
لو يدور القلب دوره
خارج الطقس المطير
كنت اسلم جسمى للرعشه الفقيره
وانزوى ف شهقة حبيب
كات حبيبته نفسها ترقص له .. رقصه
وأما فردت فى الهوا دراعاتها
طارت .
مستحيل أوسع .. ويضيق المكان
المناخ فى العتمه .. أرطب من جبينك
والندى ع الرمل
نشف حلقى
واختصر الفصول
فى تقل جسمى

الدبول أول علامات التعود ع الفرح
والممارسه للطقوس / جهد الوصول .

                                                    كتبت 1987

طرطشات موجة حلم

القصيدة الثالثة

على قد شد الوتر
بتفر من وشى
وتعود
تطبع على قورتى ..
بالحافر الفضه..
نظرة غزالة شارده من الصياد
..,
مشيت بشدة جسمها
على آخر المكبوت
والتوت..
مابيسدش فوهة بركان
آ ..ه يا صديق
سيب اللى بينا .. للغزال .. يرعاه
يرمح .. وريقنا .. صخر كتفتت
يرمح .. ويستبقيه عشب الجروح .. يرفض
سفح الجبل .. يعلا على نفسى
حر النفس .. يعلا على صوتهاوانت ما بينا معتلى برق الركوع
للواضح
المطفى
كانت حدود الذاكره من نار
كنا بناخد م الزاتون قلبه
وندى لبحر يلمحنا ..
رطوبة ريحة النطفه
( عزيت عليا زهرة الصبار !!)
كانت حدود الذاكرة من فحم
بصيت لى .. حذرتك
ورميت عليك .. ساتر من رماد البوح
وكتبت لك :
سيب اللى بنا .. للجبل يرجع
وارفع عينيك
واختار .

                                      كتبت 1987

طرطشات موجة حلم

القصيدة الثانية
القلب / حفرة دم
وحبيبتى قلعتنى
فاتعرى نص الجرح

حاسب ل يسقط وشك المبلول
السما تشبه صليب من لحم

والأرض / نبته بتتخنق ..
بين جلد وشك
وارتعاشى

لا تفتح الكفين على الفاضى
شيل الستارة .. واضرب الطير فى الهوا

كنك ما عديتش على القهوه
ولا شفتنيش بارقص مع الدراويش

قلعنى صوت المنادى
عرانى تحت صوابع الكفين

!سمع كلامى .. يا بدن .. واقلعنى
انا تحت قداحة العرق ..نصى
!سمع كلامى يا وسيع الملامح
الحلو / روح المالح
والملح كدب حاسة الدواقه
شوف !بتديت !زاى تسيب الشاى
وتجز نفسك رغم !نه محلى
كمل جميلك .. وافتح الشباك .

                                      كتبت 1987

طرطشات موجة حلم

القصيدة الأولى
الموت/
لحظة دخولنا .. فى الجوابات الحبيبه..
بلا استئذان.
لحظة ما بتملى البنات .. تسريحات شعرا .. لشهوة المرايات ,
الليل /
عرايا سود
بيرقصوا على كفى,
!ضحك علينا .. يانيل ,
كبت !يدينا.. الموج.. على الجلاليب,
واتمرجح .. الراحل على خيلنا..
بين النفس
والصوت ,
الله عليك الله
يا مبتدى بالموت ,
نفسك بيسمح للفرس يرتاح ..
وبيرمى فى صدر البنات .
مرجيحة الحنه
فاتح .. يا لون المجهدين .. فاتح
وأول اللى بينجرح .. جارح
شبك  الموظف ضحكته فى دوسيه
وحملنى فوق حملى بدن طارح .

                                            كتبت 1987