حضن ( مهداه الى الصديق الشاعر \ أسامه شهاب ) أكتوبر 1983

حضن
عينيا عش طير سرك
وقلبى ع الوفا مفطوم
وحضنك بيتى ياصحبى
فى حين تغريبتى بين أهلى
وحين النوم ..
ينام طيفك فى جوف عينى
ينام طيفى فى جوف عينك
رموشك فرشتى وستى اللى تحكيلى ..
عن البادر بذور بكره فى أرض الغير
ولايحصدشى غير أحساسه بالراحه
عن الفاس اللى بيعافى فى أرض موات ..
وعن نجمايه سواحه ..
بتبدر ع الغلابه القوت .

ياصحبى ياسكن الهدمه اللى فوق جلدك
ياراكب عجله دواره كما الدنيا تدور ضدك
ياراسم كل أحلامك على ضلى
فى حين ماكنت لسايا بشخبط حلمى فوق ضلك
قسمنا البسمه ياصحبى على نفرين
قسمنا الدمعه ياصحبى على نفرين
فى حين ماكنت بتفرق نصيبك م الفرح ع الناس

أنا فرقت مانبنى من الدمعه
وقلتلهم ساعتها دى ( أشتراكية )
برغم انى اخدت نصيبى م البسمه لوحديا
لقيتك يومها ياصحبى بتروى بنص دمعيتك ..
غيطانى البور

ساعتها شفتنى صاحبك
لكنى شفتنى صغير
وشفتك قد ايه أكبر..
من القمرايه حين تطلع فى عز الليل ابو العتمه
وم الشموسه حين تطلع ترضع بالمان الكون ..
وبالحكمه .
ترضع نبته ياصحبى يدوب لساها بتنبت
وانا بتمنى ياصحبى ياراعى نبتتى الغضه
متبقاشى مجرد انها شجره
دانا بتمنى القاها فى جناينكم أمل طراح
ليقطف منها مين ياكل
ومين نفسه
يدوب يرتاح .

                                               ( أكتوبر 1983 )

أشعار مصرية ( التحاريق ) كتبت 1984

مقدمة
وبتعشقينى ياصبيه وبعشقك
لو يبدروا جوايا مهما يبدروا
بلقى غيطانى بتطرحك .

جبل المسا
الشمس لو تبكى على خد السما
حتمن يبوش وش القمر
رح ينحنى ضهر الوليد
يمشى مطاطى جوه غربال الأجل
مع أنه كان يحلم يطول شوشة الجبل
يحلم يفسر للعزيز حلمه العويص
يحلم يتعتع من على صدر الولاد ..
جبل المسا .

أغنيه خلفيه
الشمس تفاحه
والناس بتزرع سنط
ياسقيه رواحه
بليلى ريق الرض
ياآهه جراحه..
ومفرعه فى حلقى
يامهره رماحه
أرش السبق ملكى .

-2-
الصوت معشش فى الصدور
مات الحسين
هيه الطحالب عمرها تبقى شجر ؟
ياحضن بياع الأمان
ياسمكه بيضه فى المضيق
البيض مهما يفقس حيتان
....................
الريحه فجت م الزمن
عهد الربيع جوه الزهور صابه العفن
جن الجنين فضل يعشش جوه بيت الولد
خيم على عين النهار ..
ليل الرمد
واترش فوق وش الشجر عرق الخريف
آدم بيرمح فيكى يابلاد العرق ..
خلف الرغيف

أغنيه جانبيه
وبلحنا صيص ع الجريد عراجينه بتنطر دموع
ياقمح سنبل ف الوريد
ياقطن زهر ف الضلوع .

-3-
النيل فى ضل الأهرامات ..
ريح حموله وارتمى ..
رجع شريط الذكريات
( الفجر طالع يبتسم
فارد جناحاته على شوش الشجر
فارد جناحاته على شوش الجبال
ماد أيديه فوق الشفايف والبيوت
طاير حمام البرج فوق وش السما
القله ضاحكه جنب منديل الغدا
مبتسمه نخله عجوزه نايمه فى حضن الهرم )


أغنيه ختاميه
يابو السياييل      يابحر النيل
ده الحمل تقيل    وأنت الحمال
والشوق قوال    والنور وياك
فرعون بناك     ومشى وهلاك .


                                                    فبراير 1984

صفاء عبد المنعم لديه ملف شخصي رائع!

صفاء عبد المنعم لديه ملف شخصي رائع!

15 أغسطس عيد ميلادى الجابرى

أمس الأحد 15 أغسطس كان عيد ميلاد مجدى الجابرى !

أعرف انه لم يذكره سواى ّ

ولم ينتبه لمرور هذا اليوم غيرى

لأنه يوم لا ينسى ما حيت

فى عام 88 ونح نجهز للفرح قال لى : نعمل فرحنا يوم 15 قلت له فرحنا يوم الخميس 18 أغسطس .

عيد ميلاده الخمسين

ماذا كان سوف يحدث ؟

كنت سوف أقوم بعمل كيكة جميلة وصينية كنافة كبيرة وبعض القطائف المحشوة ونضحك ونعزم بعض الأصدقاء وكنا سوف نغنى أغنية أبو الفصاد و سوف أضحك وأقول له : والله وكبرت ياجابرى . سوف يبتسم ويدارى وججه خجلا وكانت سوف تجرى البنات وتقبله : كل سنة وانت طيب يابابا , يا أحلى بابا .

كانت الحياة سوف تمر ببهجة وسعادة بخلاف هذا الموات الضارب فى جميع الأتجهات , كان سوف يحاول أرضائى بشتى الطرق كى أصبر وأتحمل المزيد من المؤليات , كان سوف يقول لى : شكرا ياماما وتسلم أديكى الأكل جميل والحلويات أجمل .

أكيد سوف تكون الحياة مختلفة وبها طعم جميل بخلاف الآن .

بالأمس أخذت ركنا مزويا فى البيت على نفس الكنبة وسندت رأسى للحائط وجلست أفكر , كيف تكون الحياة وأنت بها ؟ وماذا أصبحت الآن ؟

الآن ملل فى ملل ولا كلمة شكر واحدة وكما أقول دائما أزرع حب أجنى شوك , لا أحد يهمنى لآ أخاف على أحد الدنيا مثل الماء البارد تمر من أمامى مرور الكرام , حياة بلا روح , بلا هدف , بلا معنى حقيقى , أو حروب حقيقية , كل شىء ماسخ بالنسبة لى وبلا طعم .

الحياه مش بروفه - قصيدة الهدوم

الهدوم
-------

أبويا فى الشغل
كالعاده
وامى واختى لمو الغسيل من ع الحبل
وطبقوه
وصنفوه
وسابولى تطبيق المناديل والشربات
فانتهزت فرصة انشغالهم ف المطبخ
وطاوعت رغبتى:
هدوم امى واختى ناعمه بتزحلق !يدى من عليها .
وكمان ملونه وعليها رسومات , هدوم ابويا خشنه
وساده أو مقلمه بالطول . هدومى زى هدوم امى
واختى . رغم !نى باعمل حمام وانا واقف . وابويا جاب
لى العيد اللى فات بدلة ظابط . يمكن عشان لسه
صغير !
اذا كان كده يبقى مش عايز اكبر
وكبرت على غفله
واتجوزت
وخلفت بنت ورا بنت
وطبعا لبست زى ابويا
لكنى باظبط نفسى ساعات قاعد ف وسط
الغسيل الملموم
وبانتهز فرصة انفرادى بنفسى
وادس حاجه من هدومهم فى هدومى
شويه
وبعدين ارجعها مكانها .



فيلم فى المسابقة الرسمية
-----------------------
طبيعى
!نك تقول لصاحبك ع القهوه
الحياه مش بروفه
وطبيعى
!ن أبوك يخاف عليك وعلى اخواتك
م الموت
ليشوش مخزونه الهايل من المشاهد اللى
كان نفسه يكون فيها.
ولما تخش عليه
وما يحسش بيك
وتتأكد أنه ف آخر مرحله من مراحل المونتاج
فاتسحب بشويش
واخرج..
فده برضه أبوك
ومهما اتدخل ف حياتك
وورطك ف مواقف بايخه
فما يصحش تبص عليه وتبتسم بخبث
وهوه حاضن بكرة فيلمه وماشى ناحية القاعه
اللى هتتعرض فيها حصيلة النهاردا من الأفلام
اللى جوه المسابقه الرسميه .


هادوس على زرار التشغيل
------------------------
هاظبط كاميرة جسمى .. بعد ما افتح عدستها
الفتحه المناسبه.
واستدرج البنتين بصوت شخشخة الفكه
ف جيوبى
وبعد ما هتأكد أن الصوت شد انتباههم
وانهم فعلا وطو يدورو ع الفلوس اللى
وقعتها ع الأرض
وبعد ما حاجات كتير هتحصل جوايا
هادوس على زرار التشغيل
واستنى
......
......
!يه اللى حصل ده ؟!
برضه نقطة العرق الملعونه اللى بتلمع على ضهر
!يدى
ف أوقات مش هيه
يبقى أكيد هتتهز الكاميرا
وكالعاده
هتختفى ملامح البنتين م الصوره
وهيطلعوا بعد التحميض
يسبهو لاخواتى البنات
اللى بقالى أكتر من عشرين سنه
باربى جسمى بعيد عنهم .


الواحد
-----
الواحد ..
خايف ومرتبك
الواحد ..
تعبان وهمدان وما عندوش روح للمناقره
الواحد..
مامعاهوش فلوس كفايه يروح اسكندريه .. يشرب
شاى ع الكريستال .. ويقعد شويتين ع البحر ..
ويرجع بتجربه جنسيه مجهضه .

الواحد.ز
واقف قدام حالة بكا .. بالملابس الداخليه .. وجسمه
مبلول وفاتر .. ومشاعره منعكشه .
الواحد...
الواحد...
الواحد
حاجه تزهق وتخلى الأتوبيس اللى واقف قصادى
من غير سواق ولا كمسارى ومليان ركاب .. يتحول
براد شاى واربع علب سجاير مفتوحين ومكان واسع
وأصحاب بيضحكو بصوت عالى .


بيهيأ نفسه لقيادة الأوركسترا
------------------------
أصحابى ..
بدأوا يقفزوا.. واحد ورا التانى ..
ف بركة روحى .. ويتحولوا لضفادع.
وكل ضفدع ماسك آله من ىلات الأيقاع .
اللى طبله ..
واللى بونجز ..
واللى نقرزان ..
واللى دهله ..
وادى آخر واحد
لسه مازالت رجليه ع القهوه
وجسمه ابتدا يتسلطح
وايديه قصرت
وطلع له لغد كبير
تمهيدا للخطوه الجايه
وزى ما كان متعود ..
بيهيأ نفسه لقيادة الأوركسترا .

الحياه مش بروفه

صدرت الطبعة الثانية من ديوان الحياه مش بروفه
عن مكتبة الأسرة عام 2011

قسوه

فجأه صحيت
وف صدرى ريحة بنت دخلت غلط
من باب الصداقه
وف سلسلة رقبتها
مفتاح صغير على شكل قبضة حنان
وبعند أكتر
صغرت حجم الفيونكه
على صدر فستانها
وسابت لى
حرية ل ختيار